HStAOrient5a: 58v

Ve evvel taṣnīf‑i ās̱ārdan Kitāb-i ʿAbdülmelik bin ʿAbdülʿazīz // vāqiʿ oldı. Ve Medīnedede İmām Mālik ibn Enesüñ Muvaṭṭāsı // peydā oldı. Mebādisi ʿilm‑i cedelden müstenbaṭdur. // Fāʾidesi defʿ‑i şükūkdur. Ve kütüb‑i muʿteberesinden Manẓūme‑i //ʿÖmer Nesefī ve ġayruhā. Mesʾele: Eger ġāṣıb‑i ẓālim bir müslümāndan // bir dıraḫt ġaṣb ėdüb bināʾ‑i serāyına vażʿ ėtse ṣāḥib‑i // dıraḫt dıraḫtı ʿaynı ile bulub ṭaleb ėtdükde ḥükm ne // vechledür? Cevāb: İmām Şāfiʿī qatında binā hedm olınub // dıraḫtuñ ṣāḥibine ḥükm olınur. İmām-i Aʿẓam qatında [dıraḫtuñ] qıymeti // ḥükm olınur. Delīl‑i İmām-i Aʿẓam budur ki ġāṣıb // dıraḫtı bināsına vażʿ ėtdügi gibi helāk ḥükmin // buldı mes̱elā iḥrāq ėtmiş gibi oldı. Pes bu taqdīr // üzre ḥaqq‑i mālik andan munqaṭıʿ olub qıymete rücūʿ // olınur. Taḥqīq‑i kelām budur ki maḥall‑i vāḥidde ḥaqqayn cemʿ // oldı. Zīrā ḥaqq‑i mālik dıraḫta taʿalluq ėdüb ve // ḥaqq‑i ġāṣıb bināya taʿalluq ėtdi. Pes ḥaqqaynuñ maḥall‑i // vāḥidde yaʿnī binā‑yile dıraḫtuñ mecmūʿında edāsı // mümkin olmayıcaq cānib‑i rāciḥ iʿtibār olındı. Receḥān // ise ḥaqq‑i ġāṣıbda ẓāḥirdür. Zīrā ḥaqq‑i ġāṣıb

Marginal note (1) in Orient 5a (fol. 58v):

Egerçi aġaca baʿde l‑inqıṭāʿ fārsīde // çūb dėrler ammā bi‑iʿtibār‑i mā kāna // mecāz‑i mürsel‑i tarīq üzre // dıraḫt dėmek cāyizdür // naẓīri vardur tetebbuʿ // olına. Min lehū .